Gazetari Elton Qyno në një studio televizive ka rrëfyer çfarë fshihej pas historisë tragjike në Lezhë, ku një person vrau efektivin që po kryente një kontroll rutinë në banesën e tij dhe më pas veten.
Sipas Qynos, arsyeja që e çoi të riun të ndërmerrte aktin e rëndë është se ishte persekutuar prej kohësh nga Policia dhe shteti.
Qyno tha se i riu kishte qenë njëherë në burg, herën e dytë i bënë presion dhe të tretën, kur polici i vajti për një kontroll rutinë për çështjen e hashashit, vrau atë dhe më pas veten.
“Çdo ngjarje dhe çdo hashash që kapej nëpër shkolla vinin dhe merrnin këtë djalin”, tha Qyno, duke theksuar se kjo ishte arsyeja e vërtetë që e kishte provokuar për të ndërmarrë aktin ekstrem.
Qyno: Një rast në Lezhë, ai djali që vrau Policin dhe më pas veten, e kishin futur njëherë në burg. Më pas po i bënin presion për ta futur në burg për herë të dytë dhe herën e tretë, kur i vajti polici dhe i bëri kontrollin rutinë për çështjen e hashashit, i ra dhe e vrau Policin dhe më pas veten.
Qyno: Pse e bëri ai këtë? Sepse dy herë e kishin futur në burg në mënyrë të padrejtë, herën e tretë ai bëri tragjedinë si për policin edhe për veten.
Ai ishte rasti tipik, dhe media i mëshoi faktit se u vra polici dhe RENEA… Po ta marrësh në gjenezë të gjithë fabulën e atij rastit në Lezhë, ishte fakti që ai djali ishte persekutuar nga fillimi deri në fund nga Policia dhe shteti. E kishin futur kot.
Çdo ngjarje dhe çdo hashash që kapej nëpër shkolla vinin dhe merrnin këtë djalin. E kishin marrë dy herë, herën e tretë nuk kishte çfarë të bënte më ai dhe ja futi me armë policit.
