Ka përfunduar me tragjedi ngjarja e rëndë e ndodhur ditën e sotme në fshatin Çukas të Lushnjës, ku dy vëllezër plagosën rëndë njëri tjetrin pas një sherri për pronat.
Si pasojë ka ndërruar jetë në Spitalin e Traumës, 70-vjeçari Haziz Musai, i cili ishte plagosur me plumb në kokë nga vëllai i tij N.Musai.
Sherri i rëndë midis dy vëllezërve nisi pas një konflikti për pronën. Haziz Musai goditi me sëpatë vëllanë e tij N.Musai, ndërsa ky i fundit u përgjigj duke e qëlluar me një plumb në kokë.
Haziz Musai u dërgua me emergjencë në spitalin e Traumës dhe prej mëngjesit të sotëm kur ndodhi ngjarja ai ishte në rrezik për jetën. Pavarësisht të gjitha përpjekjeve ai nuk mundi ti mbijetonte dot plagëve.
