Një ngjarje e rëndë ka ndodhur pak orë pas mesnatës në lagjen Zogaj në Shkodër, ku një 52-vjeçar humbi jetën pasi banesa e tij u shkrumbua plotësisht nga flakët.
Fatmirësisht bashkëshortja e tij arriti të dalë nga banesa pa dëmtime nga zjarri.
Ndërkohë një nga fqinjët e çiftit ka treguar për mediat momentet e zjarrit dhe përpjekjet për ti ardhur në ndihmë 52-vjeçarit dhe bashkëshortes së tij.
Ai ka treguar se e lajmëruan menjëherë zjarrfikësen por kishin arritur në vendngjarje pas 40 minutash.
“Në orën 2 pa një çerek ka dalë e shoqja jashtë duke kërkuar ndihmë.Sepse vetëm unë e kam komshi.Tu bërtit o Riza o Riza, hajde se u dogj burri.
Djali ka ardhur e ka mbetur shakull në oborr prej trishtimit duke kërkuar ndihmë për të atin. Kam ardhur me djalë e me gru, jam futur deri në katin e parë te shkallet duke thirr emrin e të shoqit o Bahri.
Nuk është përgjigj. Kam marrë me u ngjit në kat të dytë, më ka dal tymi e flaka përballë. Ka ardh djali pastaj më nje shok të vetin, janë ngjitur deri lart dhe kanë qenë duke ngel atje lart prej tymit.
Kam marrë zorrën e ujit dhe jam munduar për me e fik zjarrin. Kemi lajmëru zjarrfikësen, ato mund të kenë ardhur pas 40 minutash”, tregoi ai.
