Një aksident tragjik ndodhi mbrëmjen e sotme në dalje të qytetit të Fushë-Krujës, ku si pasojë mbeti i vdekur një 17-vjeçar.
Mësohet se i mituri ka ndërruar jetë pasi është përplasur nga një makinë e tipit ‘Hyundai’, që drejtohet nga Andi Kullaj.
Ky i fundit është arrestuar menjëherë nga policia e cila ndodhet në vendin e ngjarjes, ndërsa shkak për aksidentin është bërë shpejtësia e lartë me të cilën ai po udhëtonte.
Përplasja ka qenë aq e fortë sa mjeti e ka marrë përpara trupin e viktimës për dhjetëra metra dhe duke i shkaktuar plagë të rënda.
Deri më tani viktima është identifikuar si Isuf Mehmeti, ndërsa pritet ende një reagim nga ana e policisë për informacione më të sakta.
