Një aksident ka ndodhur mbrëmjen e sotme në qytetin e Fierit, në vendin e quajtur ‘Ura e Baltëzës’.
Një shofer së bashku me automjetin e tij ka përfunduar në kanalin anësor të rrugës, i cili është i mbushur me ujë.
Mësohet se drejtuesi i mjetit tip “Mercedes Benz” ka përfunduar në kanal dhe në përpjekje për të dalë nga mjeti ishte zhytur në ujërat e tij në gjendje të dehur.
Në vendngjarje kanë mbërritur menjëherë uniformat blu, dhe shërbimi zjarrfikës, por drejtuesi i mjetit ishte nxjerrë nga banorët e zonës dhe më pas është transportuar në spitalin Rajonal të Fierit për të marrë ndihmën mjekësore.
Ndërkohë që po punohet për nxjerrjen e automjetit nga kanali dhe zbardhjen e rrethanave të ngjarjes.
