DURRËS– Një 38-vjeçar është shfaqur me thikë në dorë në zonën e Currilave në Durrës. Qytetarët kanë njoftuar menjëherë policinë për rastin dhe efektivët kanë shkuar në vendin e ngjarjes për ta arrestuar.
Por njëri prej policëve në momentin e ndërhyrjes është plagosur lehtë në dorë dhe ndodhet jashtë rrezikut për jetën. Burime për Shqiptarja.com bëjnë me dije se 38-vjeçari është me probleme të shëndetit mendor. Ai është shoqëruar në komisariat për veprime të mëtejshme.
Mjeti prerës është sekuestruar në cilësinë e provës materiale. Grupi hetimor po punon për sqarimin e rrethanave të rastit.
