Vijon të jetë aktiv zjarri në vendin e quajtur Maja e Bakullimës, pjesë e territorit të Parkut Kombëtar Lurë-Mali i Dejës.
Mësohet se janë djegur mbi 10 hektarë kullotë dhe pyje halore.
Teksa flakët vijojnë të jenë shumë aktive dhe të djegin çfarë iu del para, terreni i thepisur me shkëmbinj që herë pas here shkëputen, e bën të vështirë fikjen e zjarrit.
Banorët e zonës po tentojnë të shuajnë flakët me mjete rrethanore.
