Shëngjin – Vijon të jetë e rënduar situata në Shëngjin ku flakët përhapen me shpejtësi të favorizuara edhe nga era e fortë.
Një banesë është djegur ndërsa dhjetra të tjera rrezikohen nga flakët në lagjen pranë portit të Shëngjinit. U është kërkuar banorëve të lagjes të evakuohen pasi pranë ndodhet një karburant me një depozitë gazi 5 mijë litra.
Mbi 40 mjete zjarrfikëse dhe 150 forca operacionale janë të angazhuara për të shuar flakët që kanë shkaktuar një situatë tepër të rrezikshme në Shëngjin
Ndërkohë dy avionë nga italia dhe një helicopter po ndërhyjnë nga ajri. Tek resortet turistike zjarri është vënë nën kontroll dhe për momentin nuk përbën rrezik.
Flakët që vijojnë prej dy ditësh në malin e Shëngjinit dhe kanë përparuar riaktivizohen herë pas here për shkak të erës dhe bimësisë së dendur.
Gazetari i Report Tv dhe Shqiptarja.com Sokol Dema ndodhet në Shëngjin nga ku po raporton herë pas here.
