Pasi ditën e djeshme autoritetet shëndetësore në vend konfirmuan praninë e virusit “Ethet e Nilit” në vendin tonë, sot një person ka rezultuar pozitiv në Lushnjë.
Mësohet se pacienti S.D, një 63-vjeçar që jeton midis Shqipërisë dhe Greqisë, pasi është larguar drejt shtetit helen disa ditë më parë për t’u kuruar, është ekzaminuar me virusin e rrallë për vendin tonë.
Kujtojmë se u raportua për 17 persona të infektuar me virusin që transmetohet nga pickimi i mushkonjave, teksa 3 persona kanë humbur jetën.
Ndërkohë, nisur nga situata, Ministria e Shëndetësisë ka nisur protokollin e këtyre rasteve dhe disa net më parë është kryer dhe disinfektimi i zonën në Savër, proces i kryer në orët e vona të natës. Nga autoritetet vendore konfirmohet fakti se është kryer disinfektimi dhe nuk ka asnjë informacion tjetër në lidhje me këtë situatë.
