Mundësi Islam Dudaev i solli Shqipërisë medaljen e dytë të bronztë.
Kryeministri Edi Rama me anë të një postimi ka reaguar në lidhje me fitoren e medaljeve të bronztë. Rama shprehet se kjo është medalja e dytë olimpike në historinë Shqiptare dhe thumbon skeptikët “Kujt nuk di të gëzohet le t’ia njohim meritën e hudhrës që ia mban larg Shqipërisë syrin e keq”.
“Miza nën kësulën politike nuk na e lejon gëzimin e njëllojtë, po harbon duke zgjuar si përherë edhe mushkonjat e të shkuarës sonë të largët, të cilat e bënë Faik Konicën të shkruante dikur se shqiptarët të falin çdo gjë përveç suksesit, shkruan Rama.
Ai thotë që mizat dhe mushkonjat u turrën që të ngrinin nga varri legjendën e pëshëngritjes shqiptare Ymer Pampurin, duke nxjerrë kunjën e infektuar.
“Sot sportistët elitarë të ngjyrave të Shqipërisë në kompeticionet ndërkombëtare, jo vetëm shpërblehen më mirë se sa në shumë vende të Europës për rezultatet e larta në arenën e më të mirëve, po as nuk mbeten më rrugëve kur varin këpucët e garave në gozhdën e fundit të aktivitetit sportiv. Ata janë të integruar në Forcat e Armatosura të Shqipërisë, me grada sipas rezultateve, pagë deri në fund të jetës aktive, si edhe pension në bazë të gradës”, shkruan kryeministri Rama.
