Një 23-vjeçar shqiptar është arrestuar në Como, Itali, pasi ishte i kërkuar në të gjithë Evropën për krime të lidhura me trafikun e drogës.
Ai kishte një urdhër-arresti evropian dhe një dënim prej 15 vjetësh burg. Autoritetet italiane e ndaluan të riun falë një raporti që e shfaqte në një hotel të qytetit.
Pas disa orësh kërkimesh intensive, ku morën pjesë oficerë me makina dhe motorë, ai u gjet në Viale Geno duke bërë një xhiro turistike. Tani, 23-vjeçari është transferuar në burgun e Komos, ku do të përballet me drejtësinë.
