Një turist lituanez rezulton i zhdukur prej tre ditësh në vendin tonë, teksa kërkime për të vijojnë.
Mësohet se turisti ishte nisur i vetëm për të eksploruar Bjeshkët e Namuna, por prej datës 5 shtator nuk është kthyer në bujtinën ku po qëndronte. Familjarët dhe banorët kanë kërkuar ndihmë për ta lokalizuar pasi nuk kanë mundur të kontaktojnë me të, teksa Shërbimi i Kërkim Shpëtimit Malor të Kosovës ka nisur operacionin e kërkimit.
