Policia e Tiranës në bazë të operacionit të koduar “Bad spin 7” kanë arrestuar 4 persona dhe kanë proceduar tre të tjerë. Ata kishin përshtatur ambiente për këtë veprimtari dhe kryenin baste online në zona të ndryshme të Tiranës.
Personat e arrestuar janë P., 43 vjeç, Xh. A., 19 vjeç, E. C., 36 vjeç, dhe E. R., 32 vjeç, të gjithë banues në Tiranë. Gjithashtu u proceduan në gjendje të lirë edhe tre persona të tjerë M. R., G. H. dhe A. M.
Në cilësinë e provës materiale u sekuestruan 5 aparatet celulare të këtyre personave dhe 1 njësi kompjuterike. Ndërsa materialet i kaluan prokurorisë për veprime të mëtejshme.
