Prokuroria e Posaçme (SPAK) ka nisur hetimet ndaj policëve të burgjeve që transferuan kryetarin e Bashkisë së Tiranës, Erion Veliaj, nga Durrësi në ambientet e Apelit të Gjykatës së Posaçme të Krimeve të Rënda (GJKKO). Sipas hetimeve, Veliaj ka përdorur telefonin e njërit prej oficerëve të burgjeve për të kryer telefonata gjatë transferimit.
Në dëshminë e tij, oficeri i burgjeve ka pranuar se ka dhënë telefonin për Veliajn, duke e bërë këtë “nga frika.” Ai ka shpjeguar se ka ndjerë presion dhe ka vepruar nën trysninë që e ndiente në momentin e transferimit. Dëshmia e oficerit është duke u hetuar për të kuptuar nëse ka pasur ndihmës të tjerë dhe si ka ndodhur ky incident.
